286

REGISTRES DU BUREAU

vau, pareillement escuyer d'escuirye, portant les gantelletz; et Monsieur des Roches, premier escuyer, l'armet royal, couvert du mantelet royal de velours pers, semé de fleurs de lis d'or traict, fourré d'hermines et couronné d'une grande couronne close. Et estoient tous lesdictz escuyers richement armez et habillez, et leurs chevaulx capparassonnez aussi très richement.

Après marchoient Messieurs de Dampville'¹' et de Tavannes'²', Mareschaulx de France, aussy très richement armez et parez.

A leurs queues, venoient à pied les sommeliers d'armes du Roy, vestuz de veloux des couleurs dud. seigneur.

Et, suivant eulx, le cheval de parade du Roy, entierement couvert d'ung grand caparasson de veloux pers, semé de fleurs de liz d'or traict, traynant en terre. Il portoit au costé droict de sa selle la masse dud. seigneur Roy, et de l'autre costé son estoc; et estoit led. cheval mené par deux escuyers d'escuirye allant à pied, ainsi qu'il est de coustume.

Monsieur Ie conte de Charny'³', Grand Escuyer de France, marchoit après, armé et monté sur ung aultre grand et brave cheval du Roy, couvert de mesme caparasson que led. cheval de parade; il portoit en escharpe l'espée de parade du Roy et avoict aulcuns des aultres escuyers et cavalcadours à pied auprès de luy.

Monsieur le duc de Guyse'⁴', Grand Maistre de France, estoict a costé à main droicte, portant son baston de grand maistre.

Le Roy ayant devant luy l'ordre dessusdict, arriva à la porte Sainct Denys, ou il feut salué d'ung fort grand nombre d'artillerye, tant de son Aisenaq que de ladicte Ville; auquel lieu luy fut presenté ung ciel de velours pers, semé dc fleurs de lis d'or traict, frangé de mesme et fort enrichy de broderye d'or, par lesd, quatre Eschevins, lesquelz le porterent sur Sa Majesté depuis ceste porte Sainct Denys jusques devant l'e-

[i57-l

glise de la Trinité; duquel lieu jusques devant l'eglise Sainct Leu et Sainct Gilles fut porté par les quatre gardes de la Drapperie, qui le mirent entre les mains des quatre maistres Espiciers, lesquelz le porterent depuis icelle eglise Sainct Leu et Sainct Gilles jusques à Sainct Innocent, où les Merciers le receurent. Et depuis le délivrèrent aux Pelletiers qui le porterent jusques devant le Chastellet; et là les Bonnetiers le vindrent prendre pour en faire leur debvoir jusques à Sainct Denys de la Chartre, où ilz le délivrèrent aux Orfebvres, qui Ie portèrent jusques à Notre Dame, et encores depuis lad. eglise jusques au Pallais.

Ledict seigneur Roy estoit armé d'ung harnois blanc curieusement poly, gravé et enrichy, et paré par dessus d'ung saye de drap d'argent frizé d'argent; le reste de son habillement estant de mesme fort sumptueux, son Chappeau de toille d'argent aussy bordé et enrichy, et davantaige garny d'ung cordon ou y avoict grand nombre de pierres précieuses d'inestimable valleur, avec ung pannache blanc semé de grand nombre de belles perles; estant monté sur ung parfaictement beau, excellent et brave cheval, bardé et caparassonné de mesme pareure que son saie. Allant Sa Majesté et maniant ledict cheval fort dextrement, ayant devant luy ses lacquaiz richement habillez, et escuyers de son escuirye estant à pied, vestuz"tous d'une pareure de veloux cramoisy, enrichy de broderie d'argent, bottez de bottes blanches, et esperons dorez.

A la queue desdictz escuyers, estoit l'ung de ses portemanteaux, et après Nambut'⁵', huissier de l'Ordre et de la Chambre du Roy, et Boisrigault, aussy huissier de chambre, habillez de robbes de veloux blanc, portans leurs masses.

Autour de Sa Majesté estoient, sur les deux costez, à pied, les vingt et quatre archers de la garde du corps, avec leurs hallebardes et hocquetons blancs, faictz d'orfevrie, aux devises du Roy; et à sa dextre, ung peu sur le derriere dudict poisle, estoit Mon-

^(l' Henri P' de Montmorency, comte de Damville, puis duc de Montmorency, né le 15 juin 1534 à Chantilly, maréchal de France en 1567, connétable en décembre i5g3, mort ù Agde le 2 avril 161/1.

'-> Gaspard de Saulx-Tavanes, fils de Jean de Saulx, grand écuyer héréditaire de Bourgogne, et de Marguerite de Tavanes, naquit à Dijon en mars i5og, fut lieutenant général en Bourgogne, créé maréchal de France après la bataille de Moncontour el mourut ail château de Sully (Saône-et-Loire) le 19 juin 1573.

<-' Léonor Chabot, comte de Charny et de Buzançais, fils ainé de l'amiral Chabot et de Françoise de Longwy, avait été créé l'année précédente grand écuyer de France, au lieu de Claude Gouffier, duc de Roannais, ll mourut au mois d'août 1097.

-*> Henri de Lorraine, troisième duc de Guise, dit le Balafré, alors âgé de vingt ans. Né le 31 décembre i55o, il fut assassiné au château de Blois le 23 décembre 1588.

(-) Philippe de Nambu, huissier dc la Chambre du Roi etde l'ordre de Saint-Michel, fut fait huissier de l'ordre du Saint-Esprit à l'institution, en 1578.



286	REGISTRES DU BUREAU
vau, pareillement escuyer d'escuirye, portant les gantelletz; et Monsieur des Roches, premier escuyer, l'armet royal, couvert du mantelet royal de velours pers, semé de fleurs de lis d'or traict, fourré d'hermines et couronné d'une grande couronne close. Et estoient tous lesdictz escuyers richement armez et habillez, et leurs chevaulx capparassonnez aussi très richement. Après marchoient Messieurs de Dampville'¹' et de Tavannes'²', Mareschaulx de France, aussy très richement armez et parez. A leurs queues, venoient à pied les sommeliers d'armes du Roy, vestuz de veloux des couleurs dud. seigneur. Et, suivant eulx, le cheval de parade du Roy, entierement couvert d'ung grand caparasson de veloux pers, semé de fleurs de liz d'or traict, traynant en terre. Il portoit au costé droict de sa selle la masse dud. seigneur Roy, et de l'autre costé son estoc; et estoit led. cheval mené par deux escuyers d'escuirye allant à pied, ainsi qu'il est de coustume. Monsieur Ie conte de Charny'³', Grand Escuyer de France, marchoit après, armé et monté sur ung aultre grand et brave cheval du Roy, couvert de mesme caparasson que led. cheval de parade; il portoit en escharpe l'espée de parade du Roy et avoict aulcuns des aultres escuyers et cavalcadours à pied auprès de luy. Monsieur le duc de Guyse'⁴', Grand Maistre de France, estoict a costé à main droicte, portant son baston de grand maistre. Le Roy ayant devant luy l'ordre dessusdict, arriva à la porte Sainct Denys, ou il feut salué d'ung fort grand nombre d'artillerye, tant de son Aisenaq que de ladicte Ville; auquel lieu luy fut presenté ung ciel de velours pers, semé dc fleurs de lis d'or traict, frangé de mesme et fort enrichy de broderye d'or, par lesd, quatre Eschevins, lesquelz le porterent sur Sa Majesté depuis ceste porte Sainct Denys jusques devant l'e-		[i57-l glise de la Trinité; duquel lieu jusques devant l'eglise Sainct Leu et Sainct Gilles fut porté par les quatre gardes de la Drapperie, qui le mirent entre les mains des quatre maistres Espiciers, lesquelz le porterent depuis icelle eglise Sainct Leu et Sainct Gilles jusques à Sainct Innocent, où les Merciers le receurent. Et depuis le délivrèrent aux Pelletiers qui le porterent jusques devant le Chastellet; et là les Bonnetiers le vindrent prendre pour en faire leur debvoir jusques à Sainct Denys de la Chartre, où ilz le délivrèrent aux Orfebvres, qui Ie portèrent jusques à Notre Dame, et encores depuis lad. eglise jusques au Pallais. Ledict seigneur Roy estoit armé d'ung harnois blanc curieusement poly, gravé et enrichy, et paré par dessus d'ung saye de drap d'argent frizé d'argent; le reste de son habillement estant de mesme fort sumptueux, son Chappeau de toille d'argent aussy bordé et enrichy, et davantaige garny d'ung cordon ou y avoict grand nombre de pierres précieuses d'inestimable valleur, avec ung pannache blanc semé de grand nombre de belles perles; estant monté sur ung parfaictement beau, excellent et brave cheval, bardé et caparassonné de mesme pareure que son saie. Allant Sa Majesté et maniant ledict cheval fort dextrement, ayant devant luy ses lacquaiz richement habillez, et escuyers de son escuirye estant à pied, vestuz"tous d'une pareure de veloux cramoisy, enrichy de broderie d'argent, bottez de bottes blanches, et esperons dorez. A la queue desdictz escuyers, estoit l'ung de ses portemanteaux, et après Nambut'⁵', huissier de l'Ordre et de la Chambre du Roy, et Boisrigault, aussy huissier de chambre, habillez de robbes de veloux blanc, portans leurs masses. Autour de Sa Majesté estoient, sur les deux costez, à pied, les vingt et quatre archers de la garde du corps, avec leurs hallebardes et hocquetons blancs, faictz d'orfevrie, aux devises du Roy; et à sa dextre, ung peu sur le derriere dudict poisle, estoit Mon-

^(l' Henri P' de Montmorency, comte de Damville, puis duc de Montmorency, né le 15 juin 1534 à Chantilly, maréchal de France en 1567, connétable en décembre i5g3, mort ù Agde le 2 avril 161/1. '-> Gaspard de Saulx-Tavanes, fils de Jean de Saulx, grand écuyer héréditaire de Bourgogne, et de Marguerite de Tavanes, naquit à Dijon en mars i5og, fut lieutenant général en Bourgogne, créé maréchal de France après la bataille de Moncontour el mourut ail château de Sully (Saône-et-Loire) le 19 juin 1573. <-' Léonor Chabot, comte de Charny et de Buzançais, fils ainé de l'amiral Chabot et de Françoise de Longwy, avait été créé l'année précédente grand écuyer de France, au lieu de Claude Gouffier, duc de Roannais, ll mourut au mois d'août 1097. -*> Henri de Lorraine, troisième duc de Guise, dit le Balafré, alors âgé de vingt ans. Né le 31 décembre i55o, il fut assassiné au château de Blois le 23 décembre 1588. (-) Philippe de Nambu, huissier dc la Chambre du Roi etde l'ordre de Saint-Michel, fut fait huissier de l'ordre du Saint-Esprit à l'institution, en 1578.